余文樂拍完郭子健部《悟空傳》後，又接咗內地綜藝節目《我們相愛吧》第二季，佢拍檔係拍過《山渣樹之戀》嘅周冬雨，有傳佢兩個人因為日夕相對，竟然擦出愛火花。早兩日余文樂去咗上海拍攝汽車品牌廣告，接受訪問時，畀人追問佢同周冬雨係咪真係拍緊拖，佢都答得好曖昧話:「一切皆有可能，隨緣啦！」

喺最節目播出後，唔少觀眾都覺得兩個人好鬼有默契，同真拖友無疑，連余文樂自己都話：「我從來冇參加過綜藝節目，錄之前我其實都幾擔心，綜藝節目同拍戲唔同，拍戲係action之後，你就按劇本做，但綜藝節目唔一樣，以自己性格出發嚟表現，我同冬雨喺中間遇過好多困難，拍攝嘅困難，仲有好多唔同嘅困難，因為大家喺一個完全唔認識嘅狀態下相處，到o依家呢個狀態，其實大家都付出好多。如果唔上心嘅話，大家好難繼續往下走。」