由愛犬人士及公屋養狗戶發起的「唔見得光集會」昨於何文田房署總部舉行，約有70名市民參與，有公屋住戶攜犬出席，為愛犬爭取公屋「居留權」。
活動發起人何來表示，房署03年起實施鐵腕趕狗政策，凡未於當年登記的公屋養狗戶均屬違規，需扣分懲處。房署數據顯示，今年首4個月有300多名公屋住戶因違規飼養狗隻而被扣分，佔去年相關個案43%。何來指出，房署近月對公屋養狗戶嚴厲執法，全因審計署早前發現，漁農自然護理署的登記狗隻中，約1.3萬隻屬公屋租戶所有。她質疑，「點解住公屋就唔畀養狗？點解法例要懲罰負責任嘅狗主，逼一班唔識出聲嘅狗出街？」

50歲的翟女士居於青衣長發邨，她昨日一邊抱着愛犬混種魔天使，一邊高喊「趕狗狠毒，扣分無良」等口號。她表示，混種魔天使由96年起開始飼養，於03年獲房署許可，可把小狗養至終老。但翟女士近年違規多養兩隻狗，終日擔心被扣分，「我一條老嘢，老公唔喺度，個女又嫁咗，唔畀養狗我就要孤獨終老。」居於青衣長安邨的林先生表示，家中的松鼠狗養了5年，從未被鄰居投訴，他早前已因違規養狗而被扣分，但堅持不會放棄，「我唔會趕我自己嘅屋企人！」陳小姐為了養狗，近年已由公屋搬到村屋居住。說起98年被迫將愛犬人道毀滅，她仍然很心痛，「當年管理處逼得好緊，發咗警告信要我哋攞走隻狗，於是就送咗隻狼狗去愛護動物協會人道毀滅，家諗起仲係好內疚，好似送佢去死咁。」
此外，一班愛護動物人士將於8月21日下午5時舉行「重組漁護署大遊行」，由遮打花園遊行至政府總部，譴責當局長期使用不當手段處理流浪動物。