2月份騎師結算｜莫雷拉讓半臂都贏最多馬 梁家俊潘明輝華將之光
蘋果日報 2021/03/02 22:06
梁家俊潘明輝莫雷拉1月騎師結算
啱啱跑完2月份，即使莫雷拉中間停過兩日賽，但無阻佢贏15Win榮膺2月份冠軍，真係讓半臂都超晒班！
佢宿敵潘頓雖然跑足八次賽事，但有兩日食白果，無辦法把握雷神停賽而收窄差距，埋單僅贏10Win，表現令人失望。
今個月雷神潘頓少咗馬贏，加上神蘇合約期滿離港，造就唔少騎師成績大躍進。
首先就係梁家俊同潘明輝，佢哋整個2月各贏七場賽事，成績仲好過只得六Win嘅何澤堯、田泰安同巴度，為華將爭光。
當然，有人歡喜自然有人愁，令人失望嘅洋將有郭能同史卓豐，兩個人今個月各贏一場，真係失禮；周俊樂上個月亦僅執兩Win，表現下滑。
另外，楊明綸、巫顯東、黎海榮、陳嘉熙、黃俊同黃皓楠上月都食白果。
其中，陳嘉熙轉跟師傅方嘉柏後表現無起色，同東東、黎海榮一樣兩個月冇馬贏，支持度長期偏低。
但最慘始終都係黃俊同黃皓楠，呢個「雙黃」認真哽唔落，季內仲未開齋，希望唔好成季食蛋。
展望3月，莫雷拉同潘頓依然左右大局，尤其雷神有方、蔡一對爭冠馬房全力支持，奪冠已是時間問題。
其實近期已可見方嘉柏重新將馬交由何澤堯搏殺，因為新徒弟陳嘉熙成日搏失，喺爭標重要時刻，實難對嘉熙委以重任，可以預期堯堯成績都會回好。
潘明輝（左）、莫雷拉及梁家俊各領風騷
-----------------------------
有冇財運 睇你點樣將財富運用
想新一年有財運，當然要識得運用財富，邦民會繼續係你財務上嘅好拍檔！喺 2021年3月1日至2021年3月31日期間新客戶首次提取貸款，可即場獲賞現金高達港幣$3,500▲！
利用轉數快，即使足不出戶，仲可以實現貸款瞬間過數^，星期日都照批★！。
推廣期由2021年3月1日至2021年3月31日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199