聖誕節、除夕夜，小妹一早就準備好戰衣去開派對，呢啲一年一度嘅大日子，梗係要以最強作戰狀態出動，不過小妹啲男性朋友（唔係男朋友）就好求其，大時大節去蒲都好似平日咁是是旦旦，一年做364日毒男都夠啦，搵一日扮型仔啲都得啩！點知佢哋話唔知去邊度買衫，行街shopping都唔識？真係激死人！

每款印30件

佳節當前，小妹造福毒男，唔計較咁多。其實想打扮得型啲、潮啲好容易，小妹朋友阿Ken（佢唔係毒男嚟o架）喺銅鑼灣崇光後面開咗間樓上舖，賣自家品牌MR.SCARECROW服裝，主打T-shirt、牛仔褲便服等，同其他舖頭唔同，佢嘅T-shirt圖案，都係本地原創。
曾修讀設計嘅阿Ken，為咗推動本地創作，搵有天份後生仔創作T-shirt圖案，再幫佢哋印製成T-shirt放在舖頭賣，每款只印30件，所以撞衫機率好細，價錢最貴都係200幾蚊，就買到限量Tee，都幾抵吖。
阿Ken話，每賣出一件Tee，設計者可獲成本15%收入，雖然唔係好大筆錢，但對後生仔而言，都係市場對佢哋創意嘅肯定。該店歡迎自薦設計。有興趣可看阿Ken網頁 http://www.mrscarecrow.com/

電郵：mailto:[email protected]