傅明憲（GiGi）今日突傳出同莊氏集團太子爺、細佢11年嘅莊家彬9年情玩完。有指兩人濃情轉淡，亦有傳因為男方已另結新歡，咁啱莊家彬胞弟莊家豐，今晚出席九展舉行嘅香港癌症基金慈善舞會。

講到哥哥與傅明憲分手一事，莊家豐表示唔清楚，咁係咪因為家人反對？莊家豐則說：「我真係唔清楚，哥哥唔喺香港，唔方便代表佢發言。」

問到呢九年家庭聚會，有冇見過傅明憲？莊家豐就話：「冇，佢感情生活我會支持同放心，佢嘅方向係會支持。」

另外，早前有傳莊家豐偷食DaDa師妹兼演「超人之母嘅人間體」羅子喬，不過莊家豐今晚帶埋女朋友──才女兼音樂家林天愛現身舞會，打破偷食傳聞。