男人女人都追求逆齡，昨日《娛講》Video Talk請到嘉賓森美、梁芷珊和化學博士K Kwong（KK），跟大家分享化學教逆齡方法。

森美認為咸濕會影響荷爾蒙分泌，日常生活有甚麽辦法可以增加荷爾蒙呢？森美坦言：「有一樣我真係覺得，房事係唔可以停，男女都係，中國人話採陽補陰、採陰補陽，房事期間，身體荷爾蒙分泌有所增長，令人更加青春，有啲人年紀大咗話唔做唔使，身體收訊號就會榭。」

博士K.Kwong十分認同：「啱呀，睪丸酮係嚴重影響，有啲幾神奇用法，就係會將某啲人士嘅液體搽喺某啲人士身上。」芷珊：「聽過有女士做facial，用男士精液搽喺面上。」主持茜利妹喪笑：「咁黏，好難洗喎！」森美：「以前有啲皇帝飲童子尿，因為尿裏面有荷爾蒙。」

芷珊都贊成房事絕對不能停：「男士自助都要搞掂，但女人會咁諗，當你唔想同我有房事或疏咗，女人就會覺得你唔愛我。」森美以專家口脗說：「所以我成日同身邊女士講，同另一半有房事唔係愛唔愛，係為咗自己皮膚更加滑，為咗回春，而家係借用佢採陽補陰，令自己繼續青春最緊要。」

節目足本重溫：果燃台
YouTube

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇