睇見新一代發燒友，買靚碟不知從何入手真可憐，睇影音或音響雜誌？「有廣告有碟評、無廣告就懶得評」已成大部份雜誌風格，即使錄音唔夠水準，碟評照出、照讚，交代咗個客就算。有些號稱全港銷量最高嘅影音雜誌，多年來竟然連一張發燒碟評也欠奉，兩大版篇幅就只有偶像派歌手嘅專輯或甚至Disco碟。
最令人嘆息嘅係部份發燒友，竟淪落到將翻版碟當發燒碟咁介紹，仲喺網上討論區高談闊論；近期最熱門之例應是《試音．蔡琴》吧！這張由國內品牌推出嘅CD，夠晒明目張膽，零售價$55比一般國內出品還要貴，但明眼人其實一眼便可看得出這只是一張老翻罷了（如果係正版又點會錯漏百出？）。