張繼聰與太太謝安琪跟曹星如份屬老友,前晚夫婦結伴睇曹星如拳賽,事後謝安琪在facebook留言:「看到他哭,我也哭了。今天晚上我嗌爆喉嚨了。」
張繼聰昨日表示心情激動又肉赤:「睇到佢負傷應戰,網上好多人討論賽果,我覺得拳擊係有佢準則同評分方法,個裁判係有分紙同一個公正嘅判斷。睇番好多慢鏡,佢係有好多得分嘅出拳,可能好多人質疑賽果,但我覺得噚晚好感動,Rex示範咗一個好好嘅價值觀,大家可以欣賞多啲佢付出咗幾多,佢每一日好刻苦鍛煉,打完之後要承受好耐嘅傷患,痛都係佢自己痛,示範咗一種好正面、好不屈不撓嘅精神,大家應該繼續支持佢。以我認識嘅Rex,幾多連勝對佢嚟講唔係最重要,佢真係有一個挑戰者嘅心,大家應該學吓。」