見習騎師「火車潘」潘明輝即將停賽(下周三起停兩期)，相反，另一位減七磅見習生巫顯東則於今期(16日)賽事刑滿復出。

巫顯東最近一次停賽復出，即憑「開心美麗」及「都靈明珠」贏馬起孖，證明餓馬後戰意十足，其座騎有重視必要。

今期最值得留意的巫顯東胯下馬，是出自師傅沈集成之「快樂寶貝」及「自動波」，第10場三班1400米之「快樂寶貝」上季兩捷分別由黃皓楠及巫顯東經手，可見這匹均速馬用牌仔減磅威力最大，最近一次贏馬正是在C加3欄所得，窄場最合發揮，今次揀番同一移欄作為季內首戰，似乎想借助跑道形勢再建功。

至於第六場四班1400米之之「自動波」，近三仗獲亞季殿各一，上仗煞科日不敵「慷慨寶」、「好友益」及「勝利專家」跑第四，後兩駒在今季首仗分別贏馬及入位，證明水準不俗。「自動波」埋門由巫顯東試閘輕鬆勝出，操好而來可開齋。