連翔道運魚車跌手推車 擊中綿羊仔鐵騎士傷
蘋果日報 2021/03/23 15:50
連翔道運魚車手推車綿羊仔
清晨5時許，一輛綿羊仔電單車，沿大角嘴連翔道往尖沙嘴方向行駛。駛至港鐵奧運站外，前方快線一輛運魚車突跌下一輛手推車，45歲姓許鐵騎士閃避不及撞上手推車，頓時人仰馬翻受傷，並自行報案。其後由接報救護員趕到後包紮，再送院治理。
綿羊仔左車身損毀，寫上運魚車車牌的手推車亦撞甩三個車輪。警員調查期間，運魚車折返現場。據知49歲姓黃運魚車司機事發時聽到巨響，但不知道發生交通意外，其後發現手推車不翼而飛。
司機及跟車事後將手推車放回車尾同一位置，在旁警員即時「提醒」：「你仲咁擺啊，你又飛出嚟點呢？得嘅頭先就唔會飛出嚟啦，你頭先都係咁擺之嘛，咪話我話你啦，啱唔啱？又想整第二單啊。」司機及跟車最終將手推車放在車斗中，並駛離現場。
綿羊仔左車身損毀。
司機及跟車事後將手推車放回車尾同一位置。
警員「提醒」指手推車放在同一位置危險，「又想整第二單啊」
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！