韓國天團BIGBANG成員勝利早前落實入伍前來港開騷，並已鐵定於下月12日喺亞洲國際博覽館Hall 10舉行「The Great Seungri Tour 2019 Live in Hong Kong ~THE SEUNGRI SHOW~」。

勝利除了忙於籌備演唱會外，亦忙於打理佢經營嘅拉麵店。而為咗預早慶祝聖誕節，勝利為拉麵店職員搞咗個抽獎活動，勝利通過直播進行抽獎，有份參與抽獎包括拉麵店所有員工，當抽緊第二獎時，勝利一睇到個名即時嚇窒，仲叫大家等一陣，再次確認後就話：「我唔知道0依家睇到嘅楊賢碩（所屬YG事務所老闆）啱唔啱，獲得第二獎嘅人係楊賢碩。」現場拍攝工作人員即時笑唔停，勝利就反問抽到嘅人到底係唔係佢識嘅楊賢碩，網民睇住個直播都笑爆嘴，亦猜測到底係工作人員整蠱勝利，定係勝利嘅拉麵店真係有個職員叫楊賢碩。

精選韓流，喺晒《娛果》
http://fb.com/appledailyent