電影《分歧者》（Divergent）系列美國女星莎蓮活德麗（Shailene Woodley），上年10月喺北達科他州嘅施工地抗議興建輸油管期間被捕，佢當時被鎖上手銬並帶走，事後佢被判緩刑。

事隔近一年，莎蓮接受雜誌《瑪利嘉兒》訪問時，談到當時脫悼衣服被通櫃嘅情況，佢覺得自己好似被困喺籠入面嘅動物，沒有人權：「我要脫掉衣服被搜身，差不多全裸，然後轉身彎腰，他們要檢查我屁股裏有沒有收藏毒品。」莎蓮又話：「當被關在監獄入面，你知道沒有人會救你，當發生火警時，他們都不會開門，你會死於監牢中，就像動物一樣。」

呢事件對莎蓮會一番新嘅體會，對於未來會唔會從政，莎蓮就話都唔排除呢個可能：「上年我曾為參議員桑德斯（Bernie Sanders）工作，我就想可能未來幾年後會參選議員，未來的事誰知道？生命很廣闊，而且我還很年輕。」