「負皮王」梁烈唯喺香港雖然「負皮」無限，但喺大陸就有好多正評，而「負皮王」亦好重視同強國fans交流嘅機會，不時透過微博同網民「互動」。噚日，唯唯就喺微博，share咗佢嘅MasterPass廣告fblink，仲cap埋圖，叫大家click一click欣賞下佢兩條廣告片。

不過唯唯一時大意，忘記咗「鄰近經濟國家」係上唔到fb，所以貼咗都睇唔到。但其實你依家click入去，就算上到fb，條link都係開唔到，變成「頁面可能已被移除」。

一向都好關心大陸網民嘅「負皮王」，就貼咗YouTube嘅link上微博，滿足大家嘅需要，網民亦紛紛留言俾Like，心心emoji一page都係，同MasterCard個fbpg真有天淵之別。

另外「負皮王」引起嘅剪卡潮，數字一直上升，就連「高登天后瓊姐」都剪埋一份。