【嫌無綫冇發展空間】鄭敬基轉型做老闆 大馬公司下年開張
蘋果日報 2019/10/17 16:15
鄭敬基牛下女高音
（攝影：張明）- 雖然不獲無綫續約，但鄭敬基今日仍到商台為新劇做宣傳。
鄭敬基今日去到商台接受訪問，他雖然不獲無綫續約，但仍獨自到電台為新劇《牛下女高音》宣傳。
鄭敬基坦言，其實無綫於6是月曾邀他洽談讀約事宜，但他有計劃到馬來西亞經營生意，考慮是否續約及去留：「自己都拖住唔傾續約，未有積極回覆，加上7月自己一啲表態，可能都有影響，我返TVB拍咗11套劇，感謝TVB給予我嘅一切，我冇唔開心。」
之前在馬來西亞工作，認識一些當地的製作公司及商家，鄭敬基獲邀合作：「對方想搵香港藝人到大馬開演唱會、出席活動，咁啱自己都有諗唔續約，如果續約TVB就簽兩年，過往對合約條款都冇異議，但TVB成日都要獨家，發展比較狹窄，而家可以亮相唔同電視台，之後會到ViuTV錄一個音樂節目。」
鄭敬基透露其娛樂製作公司「愛娛樂」，將於明年1月1日在大馬開張，其公司在吉隆坡更擁有可容納2,000人的演出場地，他說：「希望到時邀請《牛下女高音》班中佬去唱歌。」鄭敬基透露，是次自己不用投放資金，只是投放自己嘅人工。」鄭敬基指太太非常支持他轉型，他說：「我哋想法相似，老婆係正直人，做老公冇理由唔撐。」
採訪、攝影：張明