施介強（肥施）生前是李小龍忠實擁躉，曾與歐錦棠等人一起創立「李小龍館」，收集及拍攝李小龍紀錄片，《千禧巨龍》更是其導演力作。

今日肥施設靈，與肥施相交逾廿載的歐錦棠前來致祭，他受訪時歎道：「肥施係我前輩，我入行之前已經睇佢好多港片，識佢都係因為李小龍。之前我拍過一部關於李小龍嘅電影，佢幫咗我好多，幫我搵配樂同相關嘅資料，又搵咗認識李小龍嘅親友俾我認識做訪問。」

「我曾經同佢一齊拍戲，跳Cha Cha，估唔到佢係識跳。2000年我哋喺亞視拍《影城大亨》，大家做對手戲，相處得好多，但近五六年都冇見，佢為人好低調，多才多藝，乜嘢佢都答到，特別係電影資料。佢喺資料搜集上面真係好認真。」

歐錦棠稱肥施的家人都在加國，雙親早已離世，今次兄長特地返港送別胞弟。歐錦棠又稱：「肥施識功夫，仲示範過俾我睇，佢之前喺加拿大一啲省際比賽都有拎過獎牌0架。」