凌文龍同唐寧噚晚喺圓方出席電影《黃金花》慈善放映會，憑今次電影獲得「第37屆香港電影金像獎」最佳男主角及最佳新演員提名嘅主角凌文龍，首次演出電影就獲提名，同一班前輩包括劉德華、古天樂及洪金寶等前輩角逐獎項，佢表示心情既興奮又緊張，佢話：「其實真係冇乜壓力，得到提名已經令我受寵若驚，其他嘢冇諗咁多。」

凌文龍又表示正準備緊戰衣，希望到時好好去感受金像獎嘅氣氛，問到獲提名後工作量有冇增加？佢話：「都有啲新劇本傾緊。」會唔會加片酬？佢笑笑口話：「呢樣就未知啦。」

而唐寧就相當睇好凌文龍，佢話：「佢演得好好，亦希望透過今次電影令更多人了解，世界上有好多小朋友需要幫助，我自己作為媽媽感受更深，我唔會定性佢哋為有病，只會覺得佢哋係需要更多耐性更多愛心去照顧。」

精選娛聞，喺晒《娛果》
http://fb.com/appledailyent