今屆立法會有位廉署先鋒、同時亦係一位長人,皆因林卓廷身高6呎4吋,好難唔俾人望得見。成為立法會新丁嘅佢,「政途」查實一波幾折,佢自爆99年中大政治及行政系畢業後,其實想做記者,但不得其門而入,最後就做咗議員助理,點知由此同民主黨結下不解緣。
而呢條從政路,太太都一度反對㗎。唔知係咪因為兩人中學已經相識(圖),比較了解對方個性,尤其知道阿廷包拗頸,最終太太都肯開綠燈,畀阿廷由廉署「重返」民主黨做總幹事,令到新一屆議會有個「高」人一等嘅議員。
意「相」不到的收穫:如何回憶那些年,阿廷最想多謝當然係太太嘅默默支持,佢喺facebook轉載報道,冧爆留言:「阿廷只得一句話:多謝老婆Winnie多年默默支持,辛苦了!」嗱嗱嗱,相信林太嘅收穫,比阿廷更多喎。