剛周三晚（27日）第六及第七場，文廐「叫關健康」曾交極佳段速在谷草1000米輕取對手，而蘇保羅旗下「騰龍超影」則曾以比預期輕鬆姿態贏馬，依章法應押注這口新勝馬孖寶。

但今季文家良只得「艮志騰雲」打疊贏，而蘇保羅最近的勝後再出馬成績也頗為嚇人，「萬利高」、「金碧旺旺」及「金碧光芒」均輸到無影，強如上次贏來清風送爽兼強配潘頓的「白鷺飛翔」一樣唔掂，如今「叫關健康」及「騰龍超影」分別跑三及四名，近乎是超額完成。

不過，整體新勝馬再出上名率平均確有四成左右，但要視乎倉口，相比起蘇保羅及文家良，羅富全勝後再出馬按數據就穩陣得多，今次此廐分別有第九場「威勢之寶」及第十場「自在人生」爭取連捷，當中後駒上仗贏今戰田草1400米，後八百米造出快段速彈離對手，並交出一個足以勝出二班同程的表現指數，賽後只被加七分，應不足以構成連捷阻力。

另外，第四場麥廐「老實人」上仗贏馬質量亦高，奈何麥菲文又是另一個新勝馬表現麻麻的馬房，還要配表現失準的貝湯美，捧場敬請諗諗。

同場「勝利歡星」於12月配潘明輝贏過三班田草1200米，之後一直落敗減分，如今人馬夾檔竟可跑四班同程，情況一如上星期小潘爆冷的廐侶「花月流星」。兼且前仗「勝利歡星」出戰三班強組全程外遊也有獎金，但剛戰落班跑仍有16倍，結果不放而留還要走進「大彎區」，可當冇跑過，今次「勝利歡星」抽回五檔，會見真章。