繼八両金估阿根廷VS冰島1:1和波，林作今日凌晨估英格蘭VS突尼西亞2:1，佢都「開齋」中波膽。

哥倫比亞曾經是90年代一支為人熟悉的南美球隊，曾經在90、94和98年連續三屆打入世界盃決賽周。踏入千禧年後，哥倫比亞足球開始沒落，雖然期間出產過艾雲哥度巴這位世界級後衛，不過整體實力依然不足，連續三屆未能晉身世界盃決賽周。不過哥倫比亞近年再出產了法卡奧、占士洛迪古斯和古亞達度等能夠在歐洲頂級球會佔一席位的球星。日本係一支亞洲勁旅，有實力，球員又靚仔，粉絲們大力集氣，有望得手。今晚8pm就會揭盅，依家先睇「古靈精怪估波團」畀嘅貼士。

哥倫比亞VS日本

2:1
黃夏蕙：哥倫比亞贏2:1，哥倫比亞近年有法卡奧、占士洛迪古斯同古亞達度呢幾位球星。

1:2
八両金：日本向來有勢，佢哋呢場對哥倫比亞，點都會贏。

2:2
林作：哥倫比亞喺南美勁爭激烈外圍賽，表現不俗，佢哋係一線波，成日參加世盃，但冇乜戰績。日本係亞洲勁旅，放落去對南美波，又冇乜嘢着數，呢場波，我反而覺覺得幾勻勢，2:2和波啦。

1:7
俄仔Ansheles：日本啲足球動畫咁勁，所以我估佢哋球隊都好勁，大比數贏6 球。

一網睇盡
足動世盃 直擊俄國最前線
https://hk.feature.appledaily.com/worldcup2018/