【上訴得直】律政司須付訟費 陳志雲回應:感恩聽到呢個決定
陳志雲律政司訟費終院
陳志雲、葉童及王喜等,今日去到荃灣奇妙電視接受節目《娛樂巴巴閉》訪問,宣傳下月22日至27日喺新光戲院演出嘅舞台劇《雷雨對日出》。
無綫電視前業務總經理陳志雲,與前經理人叢培崑被指收受利益,案件前後糾纏7年,兩人今年3月獲終院裁定上訴得直。終院今頒下判詞,判律政司須向陳志雲和叢培崑支付訟費,但陳志雲申請律政司同時須支付其因拘捕衍生雜費則被法庭駁回(新聞連結: http://bit.ly/2pZKzK3 ),陳志雲回應判決話:「感恩聽到呢個決定,其它細節留俾律師處理,心理上負擔好好多,訟費數字未清楚,未必全數攞番,可能係6、7成。」當年為打官司換樓,對於能取回訟費,會否買番層樓,陳志雲笑言:「買咗啦,我未必有能力即刻再買,要審視自己能力,要供得起先得。」
為陳志雲遮風擋雨嘅王喜,曾被指控恐嚇法官而惹上官非(新聞連結: http://bit.ly/2q2FlMU ),陳志雲話:「佢整體為我付出好多,唔係淨係為我,佢所有朋友有事,佢都會第一時間去到肇事現場。落雨擔遮嘅動作唔係設計,只係當日咁啱落雨,我set咗頭,而背後嘅意義好大。」