韓國女團f(x)嘅中國籍成員Victoria（宋茜）近日真係好忙碌，除咗正同男星車太鉉趕拍電影《我的新野蠻女友》外，近日仲接拍咗內地劇《美麗的秘密》，同何潤東演對手戲。

二人嘅新立劇造型照噚日曝光，新劇講述Victoria飾演嘅女主角兒時被母親遺棄，長大後誤打誤撞成為明星，喺歷盡感情波折同親情糾紛等問題後成長嘅故事。而何潤東喺劇中就飾演一名娛樂製作總監，將會同Victoria上演一場「明星戀」。