草蜢、王菀之噚晚去到大會堂欣賞青年鋼琴家黃子芳鋼琴協奏曲音樂會。

11月舉行演唱會嘅草蜢，話嚟緊會集中火力排舞，蔡一智話：「今次嘅主題係過去、現在同未來，有唔同元素。」傑仔就話，好多朋友都會睇草蜢，冇人工加、買唔到樓都會睇，發洩咗會舒服晒，又講笑話冇拖拍更加要睇，話草蜢係音樂治療師，去睇可能會有一個春天，遇到另一半。

而王菀之噚晚同父母一齊嚟捧場，佢話好難得有咁好嘅華人鋼琴家，佢去欣賞《梁祝》同《黃河》，話呢種經典嘅協奏曲好難彈，所以要嚟支持，佢又話：「喺加拿大學過。真係非常難彈。」佢表示近日有學番鋼琴同唱歌，仲有學手語、日文同跳舞，好似學生返學咁。