英國通過脫歐公投，英鎊滙價急跌，投資者紛紛減少英國資產保平安。不過所謂有危亦有機，部份富豪就趁住投資者恐慌時，到英國密密收購超值資產，除咗日本軟銀以320億美元，收購英國晶片設計公司ARM以外，連有「重慶李嘉誠」之稱嘅張松橋，都到英國shopping。
張松橋旗下渝太地產（075）新近買入倫敦一棟6層高酒店，酒店現以Travelodge London Central - Liverpool Street Hotel經營，成交價4,234萬英鎊（4.3億港元），如果英鎊匯價保持平穩，淨係計匯水都買平咗。佢今年初已經買入倫敦西區一商業大廈1 Chapel Place，似乎十分睇好當地房產市道。