聘用一名印尼籍家庭傭工多年的黃小姐向記者大吐苦水，她說，一直以為印傭較單純，故她及親戚亦放心僱用。豈料，近月發現其印傭日漸懶散，經常借故離家後不知所終，或是在家不停「煲電話粥」，無心工作，後來發現印傭常拿着一文件夾、並有一些地址、電話等資料的名單，經追問下，印傭和盤托出。
黃小姐稱，其印傭表示，經印尼朋友介紹加入一間傳銷公司，由於介紹愈多人加入，賺取回佣愈多，故她需不斷聯絡友人，介紹加入傳銷公司，並稱其居住屋苑，大部份印傭都已加入傳銷，且努力「拉人入會」，每逢周日均會到傳銷公司商討發展大計。
游說介紹他人
黃小姐稱，「我同佢講咁係犯法㗎，咁佢先話唔再去。但我估佢哋都唔會咁易離開，電話一到，佢又即刻落街，落樓下買少少嘢都可以去足個幾鐘，搞到無晒心機做嘢，對我哋啲僱主真係好唔公平！」
她稱為此感到苦惱，其後佯稱有印傭朋友介紹入會，致電傳銷公司查詢，「我話咁係違法喎，怕唔怕收唔番啲錢？佢竟然答我話：「係，我哋知，啲外傭得三千幾蚊人工，咪當幫吓佢哋囉！不過唔使擔心喎，就算佢哋俾人捉到炒咗，我哋都會滙番錢畀佢哋、亦會幫你追番啲錢。」
記者亦曾佯稱欲加入而致電傳銷公司，對方甫開腔便問記者誰是介紹人，記者稱朋友介紹並表示欲購買減肥手表，對方答稱需二千多元，但若介紹他人加入，則可以抽佣。記者隨即問是否需入會，對方則指「都唔算係入會嘅、只係嚟填吓啲form（表格）啫。」隨後又再問：「介紹你嗰個係本地人定係外地？印尼人？」記者答稱是印傭，對方便指電話中難以全面理解、着記者到傳銷公司詳細了解。
記者抵達傳銷公司，有一女職員招待，推介其公司出品的減肥手表，「你用$2090買，再介紹其他人買就可得回佣$706，咁你下線人再介紹其他人話$7