現年20歲的Mag憑無綫歌唱比賽節目《超級巨聲2》一炮而紅，獲封為小巨肺，她更得無綫力捧，無論大騷細騷都安排她參與，銳意將她打造成一線歌手。早前Mag已參與台慶亮燈儀式，獲安排企在第一排當眼位，明晚Mag又再三級跳鍊贏一班歌手，獲安排與「巨聲幫」為《萬千星輝賀台慶》任壓軸表演嘉賓，認真威水。
由於首次出席無綫台慶，Mag自然不容有失，加上到時一眾花旦又會花盡心思打扮，所以Mag日前就到尖沙嘴挑選服飾。

Mag雖有上次台慶亮燈的演出經驗，令她今次心情輕鬆不少，但她坦言覺得揀珠寶及服飾的壓力會大更多：「着住啲咁靚嘅衫同戴住啲咁貴嘅首飾，壓力反而大過唱歌。雖然家工作忙，但覺得好開心。我好幸運，可以兼顧唱歌同讀書，又有好多機會。」
Mag坦言沒想過可參與台慶盛會：「每年我都好期望台慶，次次都喺屋企睇電視，從來都冇諗過有份參加。今次我會同巨聲幫壓軸表演，跟住仲會同一個前輩歌手一齊演出。」為保持神秘，Mag沒透露這前輩歌手的身份，只笑說留待明晚揭盅。

談到推出個人大碟，Mag說很期待，但卻覺得自己狀態仍未算最佳，所以會慢慢等待好時機，亦不會心急推出專輯。採訪：何慧斯
攝影：陳順禎