太陽名宿尼殊再次結婚鳥！現年42歲嘅尼殊周日喺個人Instagram上載咗同細自己16歲嘅沙排運動員Lilla Frederick結婚嘅相，仲自稱做幸運先生(Mr. Lucky)㖭，而Lilla亦喺個人Ig上載咗幾張結婚相大晒幸福。

尼殊2005年同第一任太太Alejandra Amarilla結婚，當時兩人已經育有一對孖女，2010年兩人嘅囝囝出世，但尼殊就宣佈已經同太太分居，之後佢哋搞埋離婚手續。尼殊今年3月宣佈同細佢16年嘅Lilla訂婚，到咗星期日兩人終於正式拉埋天窗，恭喜晒！