立法會下午繼續就全港性系統評估(TSA)召開公聽會，多名人士發言支持TSA，包括民建聯成員陳仲翔，他帶同在油麻地天主教小學就讀小四的女兒出席，女兒更稱考TSA「考得好開心，無壓力」。民建聯譚耀宗就稱TSA令學童面對巨大功課壓力應要取消，但並非如「漏煤氣」要立即取消，建議政府檢討制度後改善評核制度。

但社民連梁國雄緊接發言，即場踢爆陳仲翔是民建聯財經事務副發言人，並拿出對方曾參與民建聯記者會的照片，指對方早前參加區選落敗，今日卻隱諱背景，不向大眾說明，言行拖累女兒的小學，「民建聯無話取消(TSA)，但派個人出嚟話係家長，又搵個女話好快樂，TSA無加重功課。係人都知你地上禮拜三投反對票，依家就派個人出嚟大放厥詞，搞到間小學無人讀，咁點算呀？」並斥他不要「擺細路上檯」、「人在做，天在看」。

他炮轟陳仲翔言論無稽，「唔通你有70蚊時薪，就話33蚊最低工資多過頭？你一個星期返工40個鐘，唔通就話全香港唔應該實行標準工時？」批評陳仲翔「教壞細路」，「萬一油麻地天主教(陳女兒就讀學校)執咗笠咁點算？個女要去第二度讀，就話操練無問題？定話要取消操練？歪理滿嘴，唔用民建聯身份，大放厥辭，做人講下廉恥！」

民建聯葉國謙其後發言指摘梁國雄發言是無恥攻擊，感到極度憤怒，強調陳仲翔是以個人身份出席公聽會，並將自己一分鐘的發言時間給予陳仲翔解釋。陳仲翔強調無意隱瞞自己民建聯身份，只是作為家長表達自己意見，並非分享政治立場。他自稱曾與女兒討論TSA，女兒回應指「無咩嘢」，語畢即場問女兒「Daddy講嘅嘢係真定假？」但陳女未有回應。

新民黨葉劉淑儀則說，美國高中亦有操練TSA，認為不一定要一刀切廢除TSA，又質疑TSA已成競選議題。人民力量陳志全則要求先停止後檢討，又揶揄教育局局長吳克儉未有到場聆聽各界意見，如同中港大戰看重溫。