當年今日
關於我們

【LED、投射】蓋鳴暉明年入行30年 有感創新粵劇要適可而止

蘋果日報 2019/09/10 16:40

粵劇蓋鳴暉

蓋鳴暉今日在中環現身活動,透露本月28日假新光戲院表演慈善折子戲,為婦女委員會籌款,她表示有4套不同故事的折子戲。問到會否忘記歌詞發台瘟?她笑說:「一定會有,試過有幾秒鐘諗唔到嘢,咁就搵啲嘢填咗佢,填番個音、或者大概要講嘅嘢落去,呢啲係要臨場經驗,執生係冇得訓練,觀眾會知道你唱錯,但唔會知對白講錯。」
明年是蓋鳴暉入行30年,她坦言高處不勝寒,人要向前行,如何突破自己:「粵劇係一個較為傳統嘅藝術,唔可以太過誇張,而家有好多話劇粵劇,或者舞台式粵劇,因為佈景多用LED、投射,係有新鮮感,但有好多上年紀嘅觀眾都係鍾意傳統嗰種,感覺演員同佈景係有連繫,雖然係假,但係有真實感,我覺得要適可而止,亮一亮相之後,就返番實質嘅佈景,我睇話劇,一樣靠佈景,張床唔可以抽象㗎嘛,我接受2至3成科技嘅幫手,始終舞台係人行出嚟嘅。」
談及李居明為吸納年輕觀眾,近年喜將經典劇目修改,如早前《聊齋驚夢》加入同性戀元素,蓋鳴暉說:「佢直情好前衛,作為演員,係唔可以唔接受,因為要挑戰自己,其實呢啲唔過火㗎,只要略過之嘛,人間有情,咩都有啦,爭在你面唔面對,接受嘅程度,做戲嚟講,只係一個表演嘅程式,我覺得冇乜所謂,做演員係要豁出去。」
採訪、攝影:黃曉妍
-----------------------------
【撐學生】
召集有心人 撐學生全年睇《蘋果》
立即按此
empty
明年是蓋鳴暉入行30年,她坦言高處不勝寒。
empty
蓋鳴暉本月28日假新光戲院表演慈善折子戲。