葉楚航馬房「中華之光」今朝早六點十分由潘頓親自大圈快跳，航哥對呢匹新勝馬特別緊張，一早已走入隧道等馬出操，一邊畀策騎指示一邊跟住馬匹出大圈，並且企欄邊用望遠鏡全程睇實親自打錶，之後又走入隧道接馬，功夫做到十足。「中華之光」今次原班人馬贏馬路程出擊，絕對有力再下一城。