美國百變天后LadyGaGa為今屆格林美頒獎禮擔任表演嘉賓，為紀念英國一代搖滾巨星大衛寶兒（DavidBowie），佢趁賽前趕去紋咗身上第18個紋身，而呢個刺青就係大衛寶兒經典專輯《AladdinSane》封面上嘅閃電妝肖像，以行動向偶像致敬。

GaGa大前日透過Snapchat拍片同粉絲分享紋身過程，還寫道：「這張肖像改變了我的人生。」今日，GaGa於美國加州嘅格林美頒獎禮上，染上一頭橙色頭髮配湖藍色眼影，化身女版大衛寶兒，而呢次形象係向偶像當年金曲《LifeOnMars》致敬。今次GaGa以大衛寶兒嘅《LifeOnMars》形象現身格林美紅地毯，而盛會臨舉行前，佢就喺ig上載化妝過程，仲一路化一路流眼淚o添！