特首林鄭月娥昨日暫緩《逃犯條例》修訂，惟拒撤回引起各方不滿。港台節目《城市論壇》今日討論事宜，法律界立法會議員郭榮鏗批評林鄭月娥無視市民意見，「點解呢個政府要有人流血、有人死，先至回應，林鄭話係香港人嘅母親，唔知大家感唔感受到佢嘅母愛？」他認為林鄭及保安局局長李家超於此事上應引咎辭職，並撤回「暴動」一詞，呼籲市民參與下午遊行表達訴求。

郭榮鏗表示，全港2、3個月前已知悉台灣政府不願以這條例移交陳同佳，批評為何林鄭昨日才如夢初醒得知，並斥保安局局長李家超如出一轍，「佢哋一直都冇聽意見，講自己嗰套」。

教育評議會主席何漢權則指林鄭沒有吸取2003年23條教訓，直言目前不是法律，而是信任的問題，並指林鄭無設時限的暫緩決定已釋出善意，望各方不要再使用暴力。他續說，看到青少年、學生受傷好傷感，不想看見暴力發生，但指警方亦有受傷，「誰冇父母？警方都有受傷，佢哋以寡敵眾，點面對呢個場合？幾次暴力情況，第一個流血確實係警察。」隨即惹來現場笑聲。城大學生會臨時行政委員會署理外務副會長邵嵐回應指，慶幸何校長不是自己老師，「我想像唔到作為你嘅學生有咩心情」。

實政圓桌田北辰則指過往已寫信等方法，盡力向政府提出分拆處理等建議，但最終不果。他指上星期幾十至百萬名香港人遊行，「你話外部勢力乜乜乜，幾萬就有可能，幾十萬香港人，喺咁嘅天氣喺度焗曬，根本係荒天下之大謬」。他續說，料大部份人不滿政策推展程序，質疑為何要推得這麼急，「究竟係邊個想做呢樣嘢，水洗都唔清」。

他又指暫緩與撤回分別不大，直言撤回也可以再提，「今時今日氣氛，完全睇唔到任何政府有咁嘅能力」。至於林鄭應否為此事問責下台，他則欣賞林鄭勇氣，懸崖勒馬，應給予機會，「佢（林鄭）點諗都唔係佢話事，係中央任命」。

對於是否撤回「暴動」一詞，田北辰則指收到不少短片，包括警方及示威者暴力片段，直言任何衝突情況均會出現，不應由林鄭決定，並於檢控後交由法庭判斷。

郭榮鏗則指當日於立法會，看到警方好像打「war game（野戰遊戲）」般亂射催淚彈、布袋彈等，「如果呢個時候，仲企喺差人嗰邊，對得住自己良心咩？」他又指現時已有人以死控訴，不希望未來再會出現，反問政府要麻木不仁到哪一個地步。他指出，政府修例本是錯誤，為何要這班年青人背負這個包袱，要他們流血改變香港命運，「仲要鬧佢哋點解出嚟，我過唔到自己嗰關」。

昔日新聞：電視辯論互叫熄咪 曾：你係撕裂2.0 林鄭：會順應民意辭職

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.16反惡法遊行

日期：6月16日（日）
集合地點：維園
時間：下午2時30分集合、3時正起步
遊行路線：維園至金鐘添美道立法會
（資料來源：民陣）

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多