旺角騷亂案中3名被告分別被重判3年半至7年，其中梁天琦被判囚6年，人權律師林耀強認為判刑明顯過重，因在錄影片段中，梁天琦雖然曾舉起雜物襲警，但他於審訊早期已坦然認罪；但暴動部分方面，其行為亦不如其他暴動事件般嚴重，卻需要為所有當晚發生事故負上刑責，林認為這是法例有問題的地方，而即使在殖民地時代，港英政府亦不會「用到咁盡嘅方式去處理(暴動人士)，當時嘅六七暴動，即使係有煽動嘅人，都唔會好似今天我哋對待呢啲年輕人咁去處理，我哋政府響50、60年後，比殖民地政府更用盡權力去對付年輕人，聽到呢個消息好難過，明顯係過於嚴苛」。

林又指，殖民地政府在六七暴動後，沒有用盡權力去趕盡殺絕，反而有反省自己管治的不足，如其後成立廉政公署等，帶動社會政策改革，但「而家嘅政府就唔係，可以告都告到盡，冇反省點解會出現呢個暴動，究竟而家特區政府做緊啲咩，遠遠比唔上當年殖民地政府」。

法政匯思成員吳宗鑾亦認為判刑過重，但屬意料中事，「比較之前案件，都估過係6至8年。」他認為今次旺角騷亂，在影響範圍、時間性及暴力程度方面都不及當年六七暴動，故判刑是過重，相信是法庭希望帶出訊息，指法庭不接納此類行為。對於梁若上訴，是否有機會推翻判決，吳坦言自己比較悲觀，「睇番之前終審法院對呢類案件嘅態度，都係唔會容忍，訊息都係清晰，相信(上訴成功)比較困難」。