當年今日
關於我們

【首爾直擊】《驅魔使者》講善與惡 導演金周煥:為善良而奮戰

蘋果日報 2019/08/10 06:10

安聖基朴敘俊金周煥驅魔使者

被外界喻為韓版《魔間行者》(Constantine)的韓國暑期大作《驅魔使者》,於上月31日在韓國上映,香港方面則落實於本月22日開畫。日前朴敘俊孖「國民影帝」安聖基及導演金周煥接受本報專訪,當中安聖基指CG場面難不倒身為影帝的他。
《驅魔使者》獲賣座韓片《與神同行》的幕後班底加持,片中雖然有不少CG場面,不過難不倒實力派影帝安聖基,他表示拍攝CG場面時沒有遇到難題:「我一啲都唔覺得拍攝時有困難,當然因為我嘅戲份冇用到好多CG特效,另外導演亦好仔細地向我說明有關CG場面嘅部份。」大讚導演的指導非常清晰。
而主角朴敘俊拍攝CG場面時亦沒有遇到很多困難:「比起CG,我更希望有更好嘅體力,令我可以努力拍攝更好效果嘅畫面。有時候,體力會不足,呢個係我感到困難嘅部份。」
另外,安聖基於片中飾演驅魔祭司安神父,安聖基表示:「安神父跟我有好多相似之處,尤其係驅魔工作結束後,佢會有溫柔、有趣嘅一面,跟我好相似。」
《驅魔使者》除了是驅魔片外,當中亦講述善與惡的對抗,導演金周煥表示:「呢個係一個關於愛嘅故事,兩個主角之間嘅劇情最重要,帶住憎恨及憤怒嘅人,遇到其他人而得到淨化,係一個為善良而奮戰嘅故事。」
導演更透露希望《驅魔使者》可以拍攝成「系列」電影:「有機會嘅話,我希望可以繼續拍10年、15年,兩個主角可能會擁有其他超能力。對觀眾而言,佢哋再度合作、分開,或再次與龐大嘅力量戰鬥,繼續展現各種新情節,相信會好新鮮及有趣。」
------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9