【獅城直擊】港女鬥手袋靚 獅城港媽:新加坡人唔追名牌
教育Olivia
Olivia指,移民新加坡買少好多衫,又唔使買好多名牌。
Olivia於2005年時來新加坡工作,主要是因為女兒於新加坡讀書,卻未能陪伴,「覺得係時候要陪佢,當初放佢過嚟係教育較好,英文、中文都重要。」她指香港語言教育不足,而且小朋友讀書壓力太大,家長又好緊張,「呢度好簡單,一定有學校收,唔使擔心,除非你去名校囉。」
Olivia女兒原本在新加坡讀小學、中學,現時於香港大學就讀,「(女兒)個基礎打得好好,但由於中文唔係幾好,講嘢都係有英文structure,而認識中國好緊要,同埋都要離開下我獨立下,所以都係畀佢捱下,要令佢明白所有嘢唔係必然嘅。」
她形容當初送她來新加坡讀書,是因為教育制度良好,「未到填鴨式教育,但亦非如英國般free and easy,新加坡喺merge中間。」而家長亦未非如香港般高度競爭,「好多香港家長唔使18個月就拎齊好多cert,呢度輕鬆舒服啲。」
Olivia最初來新加坡居住時,坦言並不習慣,「食住嘢成頭汗,但老公教,要融入當地,實地去感受當地嘅文化。」但原來天氣熱有好處,「買少好多衫,又唔使冬天衫,唔使打扮好多,唔使買好多名牌,裙褲、短褲,有時天氣係好熱,但返工係有冷氣、雨季天氣好涼,開個風扇就得。」
掌握財經地產資訊,即Like「蘋果ATM」fb專頁啦!
http://fb.com/appledailyatm