韓國人氣男團EXO嘅D.O.夥拍南志鉉演出tvN新劇《百日的郎君》，係近期嘅熱播劇之一，上周兩位主角終於迎來初吻，收視卻微跌，噚晚播出最新嘅第11集，收視就微跌至10.120%，但仍保持雙位數嘅收視。至於港劇迷可於Viu app同步追劇。

噚日一集，原本失憶嘅王世子D.O.得知自己身份唔簡單，但期間卻被人追殺，佢為咗留喺南志鉉身邊就決定放棄尋回記憶，又話只想喺佢身邊，而南志鉉更主動咀D.O.，點知南志鉉卻突然被擄走。而宮內亦發現D.O.未死，南志鉉哥哥擔心左相會對妹妹不利，於是就跪求D.O.要返宮中，D.O.亦得知自己就正正係世子殿下。

另外，免費台方面收視就繼續唔多理想，收視冠軍仍然係《狐狸新娘星》，但第9集及第10集收視分別為6.9%和8%，而《最好的離婚》則有2.6%及3.8%，《壞爸爸》則有2.6%及2.7%嘅收視。

更多韓流，喺晒《娛果》
http://fb.com/appledailyent