人人玩#10YearChallenge，東翻西找舊相作樣貌對照，大部份旨在呃like，卻沒太多認真反思過去十年的自己。彭秀慧（Kearen）今年4月將三度演出舞台劇《月球下的人》，早前翻看自己的劇照和錄像，才意識到《月》第一次公演時，剛好是2009年。「我諗唔同唔止係年齡或樣貌，而係你喺一個乜嘢嘅當下。呢個劇似乎係講夢想，10年前講夢想，同10年後講夢想，又好似有唔同方向。」

《月球下的人》是彭秀慧第三套寫的獨腳戲，表面是關於少女夢想的故事，實際卻是關於連番挫敗的故事。十年後今日，無論是身處環境，以至社會氛圍，都讓我們感到挫敗、無助，《月》或許比十年前更易令人共鳴。「呢個故事個女仔好想飛去月球，係一個一開始注定要失敗嘅故事。但係如果呢個係佢嘅夢想，咁仲有乜嘢意思去講？」對許多港人而言，解決生活所需，在近年間已成為遙不可及的夢想，原來我們每天都在學習適應現實與夢想之間的落差，每天都在殘酷世界摧殘下振作起來，Kearen說：「我個故事唔係咁現實同你講買樓，但佢撩起你一啲自己都唔記得嘅夢，希望可以搵番小小意思畀自己嘅人生。」

說起彭秀慧的獨腳戲，大部份人都會認識《29+1》，Kearen其實想更多人認識《29+1》以外的作品，於是有了三度公演的計劃。比起《29+1》，《月》更加講求視覺上和舞台美學的效果：「我嘗試運用多啲佈景或錄像去一齊講故仔。我做呢個戲好攰，因為成日要變角色走嚟走去，走上天台，又走番落嚟。我印象入面係喘晒氣同成身汗，相對地體力上係要求多。」

提到會否像《29+1》一樣，照辦煮碗將《月》搬進電影銀幕，Kearen笑說：「其實《月球下的人》係我第一套自己覺得好適合拍電影。但呢一刻，我想專注重新經歷多次個故仔先再諗。」她亦考慮到第二部作品是否同樣改編舞台劇，還是有其他意念，因此要做好這個舞台劇，遲點有時間才作打算。

採訪：馮國康
攝錄：馮峰、Neo
攝影：沈健程
服裝：Asturo Tayama
髮型：Jo Lam @ Salon Trinity
化妝：Tricia Siu

精選娛聞，喺晒《娛果》
http://fb.com/appledailyent
第二屆最港電影大獎投票網址
https://bit.ly/thekongestfilmawards2018
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI