【本報訊】快閃在歐美風行多年，卻沒有在港掀起多少火花。大埔兒童合唱團音樂總監羅寶欣（Bobo）去年因緣際會成立「WAO」，招募一班年輕人在區內嘗試快閃表演，區內街坊甚為受落，連「菜檔姐姐」也隨音樂起舞，令他們更有信心藉快閃和音樂發放正能量，更希望加強社區連結，路人不再自顧看手機直行直過，「多啲關心身邊嘅人同事」。
WAO是「We Are One」的縮寫，顧名思義要拉近人與人之間的關係，因此選擇的表演場地都是大埔中心、大埔海濱公園等人流較多的地方。
「唔一定要唱歌跳舞好叻，最緊要肯放膽嘗試」，她更重視年輕人是否有個人成長、建立自信。要感染他人，首先團員之間不可有隔膜。Bobo準備不少破冰遊戲，「嚟得幾次就會融晒佢嘅防護罩，留得喺度嘅面皮一定要夠厚」。她說，快閃包容度高，「有啲動作唔記得咗都冇所謂，繼續郁身郁勢，同觀眾保持互動」。
WAO不定期在公共空間現身，音樂響起便聚集起舞，很多時邀請觀眾參與，例如玩人浪等，「試過有個伯伯話『跳完㗎喇？』隔籬即刻有另一個伯伯搭嘴『呢啲叫快閃，你都唔識嘅』，聽到會覺得好得意」。

賣菜嬸嬸一齊跳

參與WAO的不少是教育學院學生，音樂教育系的Sunny說，初時以為「表演一次就算數」，結果一試上癮，「音樂應該畀到人享受，令人眼前一亮，喺快閃我感覺到呢樣嘢」。
他更找來同是教院學生的女友Christina一同參與。Christina已做過多次觀眾， 「賣菜嬸嬸都會一齊跳，有時又會聽到人講『啱喇，年輕人就係要做呢啲嘢』」，觀眾的熱情令她充滿期待。
音樂科教師王耀榮（Fi）在WAO負責排舞，「出咗嚟做嘢好少機會咁多人一齊玩，走向觀眾「yo」下佢，只要佢肯跟住郁、肯畀反應，你已經好開心、好放鬆」。WAO專頁： http://on.fb.me/1AoRmye
■記者袁樂婷