【賢仔Call馬】跑到直線就掂！強配潘頓贏馬「開心」（廖浩賢）
蘋果日報 2019/12/31 20:00
潘頓廖浩賢賢仔call馬正本開心
這次（1月1日）沙田跑十場賽事，重頭戲第七場三級賽華商會挑戰盃，出馬雖然只有八匹，但形勢相當緊湊，投注價值甚高。
騎師方面，潘頓已經與雷神收窄至四場頭馬差距，今次賽事二人皆出足各場，牌面以潘頓座騎較惡。
全日喜歡「正本開心」及「聰明導彈」。祝各馬迷新一年行大運，由頭贏到尾！
第五場四班1400米：「帝豪精彩」及「愛凡達」補上，將整場賽事變得形勢更為複雜。
馬膽屬意「正本開心」，近三仗同程都交出好走勢，上次若非最後100米斜跑輸「得益良多」一馬位，相信戰局經已改寫。
跑第二名「高大威猛」再出補中，更可認定上仗屬強組賽績。
今次初戴面箍上陣，針對唔集中問題，只要跑啱直線減少出錯，強配潘頓上陣，贏馬機會最大。
「綠尚飛馳」近績亦好，上仗因食慾不振退出，復課操練正常，馬會公佈體重微升一磅，各方面條件都夠，但133磅會係最大疑問。
「玩得好」上仗久休半年復出跑第四，表現不過不失，熱身過後回師沙田用雷神，總要拖一注。
冷門要拖後備補出「愛凡達」，賽前有三課大閘，最後一課專登跟馬走，姿態甚養眼。
第三場三班1200米：計卡士「聰明導彈」點秤都係秤高多少，縱使近仗去快活谷跑一哩。
上仗縮程跑1400米，兩次輸都因為排檔際遇差，與真正實力無關。
今次回師強項1200米，抽1檔起步，或者會考慮經過兩場中距離後出閘會慢腳，但距離上仗已經有一個月，儲滿新鮮感兼且重配潘頓，論馬狀態弗到漏油，馬膽不作他選。
「同樂日」迄今仍是處女馬，經常看似贏得之際而臨門一步腳軟，與頭馬擦身而過，找來雷神當然係恨贏。「首飾大聖」勝在四平八穩。
最睇唔透係「聚才」，上仗3檔起步轉彎三、四叠蝕位下，後追輸「美麗掌聲」馬頸位，蹄下敗將「閃耀榮光」、「以戰養戰」及「英之星」，再出全部有好表現，只是顧慮排12檔又要蝕幾多腳程，計質素應該同組馬屬數一數二。