【爆相爆片】今年33歲的鄧英敏女兒鄧上文，六年前嫁外籍老公Andrew後，2011年12月生了大仔Maddox（樂然），兩年後再追到個細仔Luca（樂天），原來最近她又再懷孕，鄧英敏還笑言明年就儲齊三條King，指鄧上文今胎陀的都是囝囝。
日前讀者Vic透過本報「爆相爆片」，分享她在將軍澳一間母嬰健康院，見到鄧上文與相信是她奶奶的外籍女士的相片，Vic話：「嗰日朝早9點幾，鄧上文等咗大概一個鐘左右就入去見護士主任，相信佢會喺私家醫院生。」

未諗追囡囡

鄧上文之後接受電話訪問，承認再度懷孕：「7個幾月，今胎都係囝囝。」她透露今次懷孕都是計劃之內，因為與老公同樣鍾意big family，至於會否再追多個囡囡，她表示暫時未有計劃。
鄧上文現在是全職媽咪，問會否有興趣復出拍劇？她說：「我𠵱家大住個肚，應該都有一段時間唔會做嘢，之前間中都會接啲MC或同小朋友有關活動做。」就快再做公公的鄧英敏說：「梗係開心啦，出年又做公公，已經有兩條King，再加埋出年年頭出世嘅呢條King，咁即係話手上有三條King。無論你玩『三公』又好，『十三張又好』，都殺晒㗎喇！哈哈哈！」
採訪：嵐山、楊定