【新增圖片】

38歲前港男吳雲甫今日和瑜伽導師女友林瑋如（Jackie）註冊結婚，無懼疫情威脅，愛在瘟疫蔓延時。

着卡其色西裝的新郎自己化妝整頭，成功娶得美人歸，戴金器的新娘着紅色裙喜氣洋洋，兩人互餵食糖水甜蜜蜜，吳雲甫成功接新娘後，接受《蘋果》電話訪問表示：「啱啱接完新娘，返到男家斟完茶，而家食晏，新娘就補妝，晏少少去註冊，頭先一切順順利利，正正常常，真係冇乜特別儀式，好快斟完茶，戴咗金器影咗兩張相，咁就搞掂，快靚正。」

因為武漢肺炎肆虐，一對新人出入都戴口罩，吳雲甫說：「新娘係咁補妝，因為落街喺女家過嚟，又戴口罩又除口罩，整花個妝，要補多兩轉，我自己就冇乜所謂，搵紙巾印兩印就得，今朝都係自己輕輕求其搽少少粉底，自然啲，頭都亂晒，自己噴兩嘢gel番頭就算，冇乜特別嘢搞。」

相中的吳雲甫情深望着老婆，幸福滿瀉，問到升呢做人夫的心情，他笑說：「因為自己都主持過婚禮司儀，我諗大大話話都幾十場婚禮，通常我見啲感動位都係好多賓客場面，都要幾耐時間去培養感情講愛的宣言先會喊，因為我哋快靚正，頭先我冇話特別感動到喊，心情都開心嘅，感覺兩家人親密咗，平時我都會去女家食飯，佢屋企人對我好nice，佢阿哥有一對女，一個5歲，一個2歲，兩個小妹妹都好得意，好鍾意同我玩，我阿妹有個1歲仔，好鍾意同我老婆玩，所以兩家人更加close，只係啲小朋友要改稱呼，以前叫我哥哥，而家叫我姑丈。我覺得舒服自然咗，而家跟老婆叫阿哥阿嫂，唔會因為諗稱呼叫錯。」

-----------------------------
第三屆最港電影大獎
按此立即投票
-----------------------------

《果GYM》隨身播 　健身壹App過！

一按即玩