當年今日

股海實戰錄:升近阻力 先沽後撈

蘋果日報 2002/04/25 00:00


美股前晚繼續跌,杜指稍為跌穿250日線10124,收10089,納指跌1.6%,收1730,亦跌至重要支持位。如果美股再唔反彈,形勢就有啲不妙,睇噚日外圍美股期指則見輕微反彈。
港股本周似乎擺脫美股影響,噚日又升51點,收11396。恒指稍為升破3月頂部11381,如果美股噚晚真係見底反彈,恒指今日有機向250日線阻力11534逼近。除非港股呢兩日能夠配合大成交衝破250日線,否則喺11500附近,趙飛雲會先沽出恒指輪9045獲利離場。主要原因係覺得恒指好難一口氣衝破250日線阻力,其實噚日升至11400水平,已見沽壓明顯加大。

大地產股現超買
從技術角度睇,頗多地產股已超買,快進入調整,可能因此阻慢恒指升勢,其實較健康嘅走勢係恒指短期於11500至11380消化獲利盤,重新累積動力破關。短期嘅部署升近250日線受阻沽恒指輪9045,跌近11400附近反手撈番。
美國星期五公布第1季GDP數據,聽格老近期口氣應該唔會差,下周一期指結算,呢個數據具相當影響力。
佑威(627)揸到悶,噚日以0.67元計數。
趙飛雲