對於近期施永青指攬炒會不符合多數人利益，施說，「攬炒，第一個出現的效果係資產蒸發，年輕人話自己冇資產，蒸發係既得利益者的資產，對自己冇影響，但現時唔係資產蒸發咁簡單，依家已經影響到零售、飲食、酒店等行業。我做地產嘅，我地8月份生意少6成，處於虧損狀況，雖暫時我又唔會cut人做調整，但已經影響明年的加薪！」

他補充，中原集團今年首8個月已蝕了2個月，利嘉閣則蝕3個月，預計明年沒有加薪。他相信，未來亦有行業會裁員，失業率亦上升，而且內地旅客大量減少，整個香港經濟都會受影響。

對於政府應否踏出第一步解決問題，他說「個世界好複雜，好多因素影響一件事，邊啲人做主動解決問題，同埋追究責任，好睇唔同人的可以踏出的能力」。他比喻指，「一隻大船與一隻小船對頭行，大船轉彎能力唔強，小船有機會轉彎，果時就唔係計較行錯線的問題，你唔想撞，就只有細船轉。現時港府的選擇受北京取態影響，北京又受制於國際同大陸的環境，如果雙方都轉唔到彎，咁你會睇後果，睇邊個有條件作出第一步。」

他重申，攬炒都係一個主動的行為，但一個人只能作自我犧牲，攬炒係不道德行為，人哋有人哋選擇。

對於自己新創立的House 730網上平台，施表示，網上平台最大的優勢在於，避免競爭者介入，以本傷人搶佔市佔率，而且各代理的放盤在同一平台放售，公平競爭，沒有以往的襲斷情況。

他指出，House 730總投資額約2億元，現供5至6萬個盤源，當中1/3為中原集團，涉及300至400間代理行參與。中原地產在House 730推盤沒有任何優惠，按照平台價格收費。

他續指，買賣雙方經常想去中介，但其實代理對樓宇的專業知識，是不能取代，而且代理為服務性行業，要對待買賣雙方，需要與人溝通，了解雙方個性，從而為客人作中介溝通橋樑，這種判斷能力，亦是代理最大的優勢。

世紀21奇豐物業顧問行主席及行政總裁李峻銘表示，網上平台可以為中小型代理拓展客源，例如一些以地區性業務為主的代理，可以透露網上平台跨區宣傳，打破目前大代理行襲斷的場面，使大家的起步點相同。

香港地產代理專業協會會長郭昶表示，目前代理行的營運資源錯配，大部分資源投放在搶舖、交租等硬性設備，未有真正對準客戶，若日後當網上平台普及化，樓宇數據、盤源等資料均公佈在網上平台，買家可以在睇樓前作事先準備，反而大大提升正實睇樓的成功率，增加代理開單機會。

記者：黃朗鈞