上次何超儀喺《豪情》飾演口技女王「趙啷啷」，今集就飾演喺日本發展嘅過氣走樣妓女，為增肥配合角色，所以要日日食不停食。至於會否有床戲？超儀話：「年紀大咗咁多，同有咗家庭，冇咁搏啦！我今次負責埋做製作，忙埋今年嘅戲，下年我會主力做歌手。」

好喇，話題又講番Lcup沖田啦。佢為咗巨胸，買咗1億日圓（約780萬港元）保險，強調係純天然：「中學時已經D級，之後一路大，我跑步時兩隻手要抱住個胸。」之後眾人又拍咗JR胸壓戲…定係胸壓JR？抑或係阿澤JR被胸壓好？總之現場搭成JR車廂，「冬菇頭」阿澤被眾女包圍，仲要俾Lcup嘅沖田杏梨巨胸壓住——搭緊港鐵嘅你，唔好諗太多喇，因住過站呀！