木村拓哉日前開設微博帳號，目前已經吸48萬粉絲追隨，台灣男星羅志祥（小豬）第一時間用中、日雙語歡迎偶像，激動表示「我要哭了，我的名字居然跟我的偶像放在一起啦」，並tag埋木村，點知木村轉發小豬微博，仲寫下：「Thanks & merry x'mas！」令小豬激動寫下「OMG」，以日文表達不可置信嘅心情。

木村呢排頻頻曝光，仲為TBS電視台賀年節目進行錄影，佢今次更會驚喜化身髮型師，更為節目策劃當中環節「如果藝人從事其他各種職業突然現身會被發現？還是不會發現？」，木村潛入當地髮型屋，當女顧客洗頭時，木村頂替真正嘅髮型師為顧客服務，偷拍幸運客人嘅即時反應，亦係木村繼2000年經典日劇《美麗人生》後相隔19年再變身髮型師。

精選娛聞，喺晒《娛果》
http://fb.com/appledailyent