周秀娜（Chrissie）前晚到電視城出戰美女廚房，一洗地獄廚神之名，原本她一臉信心，但當Chrissie出手摸田雞，及之後因估錯被要求親手生劏時，Chirissie情急及害怕之下即場落淚，認真慘情。方力申見狀即說：「啲人講你，你又唔驚，反而驚青蛙。」Chrissie大發嬌嗔反擊：「我寧願你講我，我唔想掂佢哋。」

唔怕食壞伊健

評判鄭伊健女友蒙嘉慧事前表示擔心男友和Chrissie有接觸，又怕Chrissie的傑作會食壞男友，Chrissie笑說：「點會，大菌食細菌，細菌當補品。佢哋做咁多運動，又打咁多羽毛球，有晒運動底唔怕。」
此外，Chrissie的兩款噴血肖像攬枕在動漫節大賣，至昨日連同存貨和預訂，一共賣去約800個，至於DaDa等8模的肖像攬枕則合共賣去約300個。
另外，Chrissie昨日早上和晚上都有工開，但卻乘中午空檔與髮型師男友Avis在銅鑼灣拍拖，有讀者報料指當時二人態度親暱。
採訪：楊潔雯
攝影：彭琮然