當年今日
關於我們

隔牆有耳:兩個透明副局長 - 李八方

蘋果日報 2008/11/08 00:00


港大民意網站上月底訪問約1,000人,分別有85%同93%人表示唔知道任何副局長同政治助理個名;喺冇提示情況下,只有6個副局長被受訪者講得出個名,商務及經濟發展局副局長蘇錦樑只有4%人提及,但已經係最多人識嘅副局長,許曉暉、陳維安兩個做咗透明副局長,知名度係零。
最多人識嘅政治助理係教育局長政治助理楊哲安,認知度有0.8%,其他人更低;徐英偉、蔡少綿、葉根銓三個政治助理知名度捧蛋,冇受訪者提及。其實楊哲安都算勝之不武,因為佢係張燊悅老公,以前不時喺娛樂版見報,呢方面其他政治助理冇得「恨」。
行會民望受港府拖累
民意研究計劃主任鍾庭耀話,政府已公佈呢班官員任命五個月,仍有近三分之一人認知度為零,實在有待改善。另外,調查亦顯示行會非官守成員評分普遍下跌,得分最高嘅係夏佳理同張炳良,都不足50分,係歷來最低,鍾庭耀指港府民望下跌,影響埋行會成員民望。