鄭嘉穎上年成為無綫藝人吸金王，早排嘅福布斯「2013年中國名人榜」中，佢綜合排名48(收入排名係46)，大比數拋離林峯嘅72位。講返少少資料啦，嘉穎前年憑內地劇《步步驚心》走紅後就劇接劇，一口氣拍咗《深宮諜影》、《英雄》、《萬水千山風雨情》、《滾滾紅塵》、《葉問》，仲有o依家拍緊嘅《華胥引之絕愛之城》，加埋內地商業活動同廣告，年幾收入已超過半億，認真和味﹗

大把水唔代表可以印印腳0架，嘉穎0依家喺電視圈已去到神級地位，而佢最大目標唔係今年搵幾多，而係為佢所開設嘅工作室開拍電視劇，嘉穎仲有晒全盤計劃，據悉佢打算六月完成《華》劇之後，就進行籌備工作。為咗打響頭炮，嘉穎打算搵圈中好友同拍檔幫手，例如有同屬視帝級的黎耀祥、好友馬國明同胡杏兒等坐陣，當然佢自己都會有份參演啦，益老友之餘又有噱頭，一舉兩得。