孫女:爺爺,好奇怪,點解我坐喺個臭臭塔咁耐都屙唔出臭臭嘅?
爺爺:哦,唔係好奇啫,好似有啲人攞住回鄉證,回咗好多次都回唔到鄉啦!
孫女:係喎,但係有啲人就唔使攞回鄉證都可以回鄉啦!好似啲壞人着草啦。
爺爺:係啊係啊!好似你有時屙臭臭都唔一定要坐喺個臭臭塔度啦!
孫女:(有小小挫折)……係啊,屙臭臭真係好難控制。
(再沉默一陣)
孫女:係喎,爺爺,點解佢哋咁想返鄉下?乜鄉下有啲好玩嘅地方咩?
爺爺:有啊,佢哋去咗麒麟山莊玩啊。
孫女:麒麟山莊有乜嘢玩㗎?
爺爺:好似話想喺隻難得一見嘅千年火麒麟面前放個屁,不過最後個屁就放咗畀隻十年火麒麟。
孫女:咁咪放錯屁?
爺爺:唔係喎,因為隻十年火麒麟話會將個屁原原本本咁帶番畀千年火麒麟啊。
孫女:哈,返鄉下放屁又幾好玩喎。