集合超過60個Marvel超級英雄角色嘅《復仇者聯盟3：無限戰爭》（Avengers: Infinity War）已於6月剎科，最近「寒冬戰士」施巴斯坦史丹（Sebastian Stan）接受訪問就劇透咗少少故事發展，唔單止回應接替美國隊長嘅傳聞，仲大爆原來演員都係拍攝當日先有劇本！

最近施巴斯坦受訪就指《復仇者3》係佢哋拍過最大型、最瘋狂嘅作品，仲話日日都見到唔同巨星扮成超級英雄，到處走嚟走去，感覺好神奇。不過佢就話自己對《復仇者3》嘅劇情一無所知，因為保密關係，大家都係拍攝當日先有劇本，亦唔會知道其他角色發生咗咩事。外間一直有指佢會接替「美國隊長」基斯伊雲斯（Chris Evans）成為新一任隊長，佢就話：「只係大家嘅猜測姐。」話自己都唔清楚將來點發展咁話。