當年今日
關於我們

LisaS.儲鞋上癮齌睇唔著

蘋果日報 2003/09/08 00:00


連卡佛前晚舉行○三秋冬鞋飾展,混血名模LisaS.及眾模特兒穿上性感內衣行騷。LisaS.透露一向有儲鞋的習慣,珍藏達五十對,更會為每對鞋拍下照片貼在鞋盒上作識別,更不捨得穿這些鞋,只放在鞋櫃裏當藝術品。
連卡佛前晚在中環舉行二○○三年秋冬女裝鞋履及配飾展「UnpackingEvent」,眾模特兒穿上性感LaPerla內衣及睡衣,展示充滿四十年代風情的高踭鞋,惹火誘人。
在連卡佛任職的周嘉玲雀躍表示,個人構思出這個演繹方法,她說:「我想帶出一個idea,係女仔準備去ball前,化好妝、set好頭,但未換衫嘅感覺,又或者係去完ball返屋企,除衫後陪男友睇電視咁,一種簡單、生活化嘅性感。」

着內衣行騷怕羞
吳彥祖的緋聞女友LisaS.有份行show,並首次以透視和喱士內衣示人,極度冶豔迷人。
完騷後LisaS.表示在台上感到害羞,她說:「verysexy!其實我唔介意着內衣做鞋show,因為係show到長腿嘅好方法。我平時瞓覺都係T恤加短褲,唔係咁講究,所以第一次着性感內衣上台,都係有啲怕醜嘅。」

影相貼盒面分類
LisaS.又透露自己有儲鞋的習慣,現已擁有五十對鞋,但只儲不着,她說:「啲鞋全部影晒相,貼喺盒面作識別,放喺鞋櫃當藝術品咁欣賞,落雨天或者太貴嘅,會唔捨得着,將來重可以留番畀仔女㖭。」
吳彥祖早前與李嘉欣合作拍新片《Miss杜十娘》傳緋聞,LisaS.一臉不在乎說:「我知佢(指李嘉欣)係明星,不過我唔識佢。」問她是否相信這單緋聞,她竟然說:「我永遠唔信報紙寫嘅傳言。」
採訪:DebbieLum 
攝影:RickyChan
empty
周嘉玲構思以內衣配襯鞋履演出,新鮮感大增。
empty
啡色銀狐披肩$17,500
empty
模特兒穿上皮草都遮掩不住豐腴的身段。
empty
粉紅喱士內衣與睡衣,一派旖旎香豔。
ManoloBlahnik高跟鞋$5,495
empty
吳彥祖與李嘉欣拍戲傳緋聞。 資料圖片